РОҲИ ДУШАНБЕ – ХУҶАНД КУШОДА ШУД

                Душанбе,  10  феврал. (АМИТ «Ховар»,  Кристина  Эрлих). —  Комиссияи  кории Вазорати  нақлиёт  ва  коммуникатсияи  Ҷумҳурии  Тоҷикистон  9  феврал  вазъияту  ҳолати   роҳи  мошингарди  Душанбе – Хуҷандро  аз  назар  гузаронид.  Бояд  гуфт, ки  дар натиҷаи  боридани  барфи  зиёд  ҳаракати нақлиёт  дар  роҳи  мазкур  чанд рӯз боз  қатъ  гардида буд.           Сардори  раёсати  умумии  хоҷагии  роҳҳои  Вазорати  нақлиёт  ва  алоқа  Алоуддин Аноятшоев  ба  мухбири  АМИТ «Ховар»  хабар  дод, ки  тӯли  рӯзҳои  гузашта дар   роҳи  мошингарди   Душанбе – Хуҷанд,  дар  ағбаҳои   Анзоб  ва  Шаҳристон  ягон  воқеаи  нохуши  нақлиётӣ  рух  надодааст.  Вай  зикр намуд, ки  роҳи  мошингарди  мазкур  айни  ҳол  аз  барқу  тарма  пурра  тоза  карда шуд ва  ба рафту  омади  воситаҳои  нақлиёт  ба  воситаи  туннели Истиқлол  иҷозат  дода шуд.            Хабар  дода  мешавад, ки   роҳҳои  мошингарди  самти  Хоруғ  ва  Дарвоз  низ  баъди  қатъ  гардидани  бориши  барф кушода шуданд.