МИСР ДАР ИҶЛОСИЯИ ДУШАНБЕ ИШТИРОК МЕКУНАД
Душанбе, 10 март. (АМИТ «Ховар», Фарангис Раҳимова). — Миср дар иҷлосияи 37 Шӯрои вазирони корҳои хориҷии давлатҳои узви Созмони конфронси исломӣ, ки 18-20 майи соли рвон дар Душанбе баргузор мегардад, иштирок хоҳад кард. Дар ин бора рӯзномаи мисрии «ал-Ахбор» дар заминаи ҳафтавораш «Ахбору-л-явм» аз 6 марти соли ҷорӣ таҳти унвони «Миср дар иҷлосияи вазирони корҳои хориҷии давлатҳои исломӣ иштирок мекунад» хабар чоп кардааст. Дар рӯзнома омадааст, ки сафири Ҷумҳурии Тоҷикистон дар Миср Нарзулло Назаров иброз дошааст, ки Миср бо назардошти нақши пешқадам ва муассир дар Созмони конфронси исломӣ ба туфайли иштироки худ дар ин чорабинӣ такони қавие ба таҳкими ҳамкории муштарак хоҳад дод. Сафир ҳамчунин тавзеҳ дод, ки Вазорати корҳои хориҷии Ҷумҳурии Тоҷикистон ба унвони вазири корҳои хориҷии Миср Аҳмад Абулғейт даъватнома барои иштирок дар иҷлосияи исломӣ фиристодааст. Тавре сафир ишора кард, ин иҷлосия таҳти шиори «Баҳри таҳкими бештари ҳамкории исломӣ» доир гардида, дар он мавзӯъҳои иқтисодӣ, фарҳангӣ, гуманитарӣ ва сиёсии мавриди таваҷҷӯҳи ҷаҳони ислом мавриди баррасӣ қарор хоҳанд гирифт.
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Имрӯз дар баъзе ноҳияҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
Дар ноҳияи Шуғнон дар масоҳати 10 гектар боғи нави дарахтони себу зардолу бунёд гардид
