МУКОФОТҲО БА ЖУРНАЛИСТОНИ «ХОВАР»
Душанбе, 11 март. (АМИТ «Ховар», Таҳмина Ғоибназарова). – Тавре хабар дода шуда буд, имрӯз дар Театри давлатии академии драммавии ба номи Абулқосим Лоҳутӣ ба муносибати иди касбии журналистон — Рӯзи матбуот ҷамъомади ботантана баргузор мегардад. Дар он ба кормандони беҳтарини воситаҳои ахбори оммавии ҷумҳурӣ мукофотҳо супорида хоҳанд шуд. Аз Вазорати фарҳанги ҷумҳурӣ ба АМИТ «Ховар» хабар доданд, ки чанд нафар кормандони Агентии иттилоотии мазкур низ бо нишонҳои сарисинагии Вазорати маориф сарфароз гардонида мешаванд. Аз ҷумла, ба кормандони АМИТ «Ховар» Покиза Маҳмадбекова, Дилшода Ҷонмардова ва Фарангис Раҳимова нишони «Аълочии фарҳанг» ва ба Кристина Эрлих, Людмила Дубинина ва Самад Юсуфӣ нишони «Аълочии матбуот» супорида мешавад. Дар ҷамъомади мазкур вазири фарҳанги ҷумҳурӣ Мирзошоҳрух Асрорӣ ширкат варзида, ҷамъомадагонро ба шарафи Рӯзи матбуот табрик менамояд.
Имрӯз дар шаҳри Душанбе ҳаво то 21 дараҷа гарм мешавад
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
