ҚИРҒИЗИСТОН ӮҲДАДОРИАШРО ИҶРО МЕКУНАД

Душанбе, 12 апрел. (АМИТ «Ховар»).- Иҷрокунандаи  вазифаи  вазири  мудофиаи  Ҷумҳурии  Қирғизистон Исмоил  Исҳоқов   зимни  мулоқот  бо муовини Муншии  умумии  Созмони  Аҳдномаи  амнияти  дастаҷамъӣ  Валерий  Семериков  изҳор  намуд, ки  Қирғизистон  ҳамаи   вазифаю  ӯҳдадориҳои   дар  доираи  созмон  ба зимма гирифта ва   қарорҳои  дар  доираи  созмони  мазкур  имзокардаашро  ҳатман   иҷро  хоҳад  кард. Тавре  хабар  дода шуда буд,   муовини  муншии  умумии  СААД   В.Семериков  барои баррасии   вазъияти  Қирғизистон ба  Бишкек  омадааст. И.Исҳоқов  намояндаи  созмонро  дилпур  сохт, ки  ҳамкории  Қирғизистон  бо  СААД  дар  ҳамаи  соҳаҳо  давом  дода  хоҳад  шуд. Вай  зикр  намуд, ки  вазорати  мудофиаи  мамлакат  барои  ҳалли   проблемаҳои  ба миён оянда бо  котиботи  созмон   мунтазам   маслиҳату  машварат  менамояд.