ЛОИҲАҲОИ АГЕНТИИ СОХТМОН ВА МЕЪМОРӢ

Душанбе, 20 май. (АМИТ «Ховар», Лаззат Диловарзод).- Бино ба иттилои директори Агентии сохтмон ва меъморӣ, мутахассисони  соҳаи лоиҳакашӣ бо мақсади иҷрои   дастуру супоришҳои Сарвари давлат, оид ба таҷлили ҷашни 20 – солагии Истиқлолияти Ҷумҳурии Тоҷикистон таҳияи саривақтию сифатноки 16 ҳуҷҷати лоиҳавию харҷномавии иншоотҳои сохташавандаи ҷумҳуриро анҷом доданд. Мутахассисони Агентии сохтмон ва меъморӣ таҳияи лоиҳаҳои навбати дуюми Гимназия барои кӯдакони болаёқат, бинои 20 ошёнаи «Душанбе — Плаза» дар шаҳри Душанбе, Маҷмааи варзишӣ дар ноҳияи Тоҷикобод, Бойгонии давлатӣ барои 150 ҳазор нигоҳдорӣ дар шаҳри Данғара, нақшаи генералии шаҳраки Баҳори ноҳияи Носири Хисрав, Маркази савдо, корхонаи хиштбарорӣ дар ноҳияи Ҷалолиддини Румӣ ва боз даҳҳо иншооти дигарро барои амалисозӣ ба ширкатҳои сохтмонӣ супорида, сифати иҷрои онро зери  назорат гирифтаанд.