САҲМИ ЗАНОН ДАР ПЕШРАФТИ ЗИНДАГӢ

Шаҳраки Сомониён, 27 май. (АМИТ «Ховар». Ҳотам Рабиев). — Дар ноҳияи Рўдакӣ занону духтарон дар тамоми соҳҳаҳои зиндагӣ ширкати фаъолона доранд. Барномаҳое, ки дар ин самт қабул карда шудааст, роҳнамои асосии бахши кор бо занҳост. Масалан, «Барномаи давлатии самтҳои асосии сиёсати давлатӣ оид ба таъмини ҳуқуқу имкониятҳои баробари мардон ва занон дар ноҳияи Рўдакӣ барои  солҳои 2001-2010», «Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони ноҳияи Рўдакӣ барои солҳои 2007-2016» бомуваффақият амалӣ гардида истодааст. Тавре, ки мудири шўъбаи кор бо занон ва оилаи назди мақомоти иҷроияи ҳокимияти давлатии ноҳияи Рўдакӣ Роҳила Алибекова ба хабарнигори «Ховар» иттилоъ дод, алҳол зиёда аз 330 нафар занон дар корҳои роҳбарӣ ва зиёда аз 3 ҳазор нафар занону духтарон дар соҳҳаҳои тандурустӣ ва маориф фаъолияти пурсамар доранд.