ЁДЕ АЗ АДИБИ НОМДОР

Турсунзода, 27 май. (АМИТ «Ховар». Ҳотам Рабиев)- Деҳаи Қаратоғ бо фарзандони бузургу фарзонааш мефахрад. Ин деҳа зодгоҳи адибони номдору забардаст буда, шоирону олимонаш на танҳо фахри ин диёр, балки фахри Тоҷикистонанд. Устод Мирзо Турсунзода Носирҷон Маъсумӣ,  Ҳомид Обидӣ, Мустафо Шарқӣ дар ташаккули адабиёти навини тоҷик саҳми арзанда доранд. Ба наздикӣ дар мактаби таҳсилоти миёнаи умумии рақами 12-ки номи адабиётшинос, шоир ва забоншиноси маҳбуб Носирҷон Маъсумиро дорад бо ташаббуси муаллимаи забон ва  адабиёт Сурайё Мардонова конфронси илмӣ – адабӣ баргузор гардид. Дар ҷамъомад хонандагон дар бораи ҳаёт ва фаъолияти  адабии Носирҷон Маъсумӣ маълумот дода аз эҷодиёти ў шеърҳо қироат карданд. Боиси қайд аст, ки имрўзҳо ба зодрўзи шоир, мунаққид, адабиётшинсос ва забоншиноси машҳур Носирҷон Маъсумӣ 95 сол пур мегардад.