800 ҚИТЪАИ НАЗДИҲАВЛИГӢ ҶУДО КАРДА ШУД

Душанбе, 9 июн. (АМИТ «Ховар», Лаззат Диловарзод).- Бо супориши Ҳукумати ҷумҳурӣ дар шаҳри Кӯлоб дар 221 гектар замин 800 қитъаи наздиҳавлигӣ  ҷудо карда шуд. Бо қарори Ҳукумати ҷумҳурӣ ҳамчунин барои 562 оила хона сохташуда,  бо тамоми ашёи рӯзгор тӯҳфа карда мешавад. Бино ба гуфти раиси шаҳри Кӯлоб, барои зарардидагони дигари  ноҳияҳои ин минтақа  низ    барои сохтмони манзил замин ҷудо карда шудааст. Аз ҷумла, дар ноҳияи Мӯъминобод барои 50 хонавода 5 га, дар ноҳияи Темурмалик барои барои 100 хонавода – 11 га, дар ноҳияи Восеъ барои 300 хоҷагӣ -41 га, дар ноҳияи Шӯрообод барои 400 оила-68 га ва  дар ноҳияи Балҷувон барои 20 хонавода 2 га замин ҷудо карда шудааст. Дар баробари ҳамаи ин, ба зарардидагони ноҳияҳои зикршуда як қисм хонаҳо бепул сохта тӯҳфа кардамешаванд.