ИСТИФОДАИ САМАРАНОКИ ЗАМИНИ ХОҶАГИИ ЁРИРАСОН

Душанбе, 22 июн. (АМИТ «Ховар», Лаззат Диловарзод).- Бо супориши Сарвари давлат барои ба даст овардани даромади иловагӣ ба    ҳамаи Хона- интернатҳои   калонсолон ва  маъюбон замини хоҷаги ёрироасон тақсим карда дода шудаааст, ки аз ин заминҳо ба таври самаранок истифода  мебаранд.Аз ҷумла дар назди хона- интернати пиронсолон ва маъюбони шаҳри Турсунзода истифодаи самараноки замини хоҷагии ёрирасонро ба роҳ монда, ҳамасола аз 2, 06 га замини хоҷагии ёрирасон даҳҳо тонна ҳосили ғалла, картоша, сабзавот ва полезӣ ба даст оварда мешавад. Бино ба гуфти директории Муасисаи давлатии хона — интернати  пиронсолон ва маъюбони шаҳри Турсунзода дарави як гектар замини гандуми хоҷагии ёрирасон ба охир расонида шуда, кишти такрории сабзавот гузаронида мешавад. Бо гирифтани ҳосили дуюм масъалаи дар фаслҳои тирамоҳ ва зимистони соли 2010- 2011 таъмини истиқоматкунандагони хона – интернати  мазкур  бо маводи ғизоӣ пурра ҳалли худро меёбад. Ҳоло аз ҳосили якуми замини хоҷагӣ беш аз 5 тонна гандум ба даст оварда шудааст. Роҳбарияти муассисаи мазкур ният доранд дар назди ин  хоҷагӣ  парвариши мурғу заргӯшро низ ба роҳ монад.