НАҚШАИ ПИЛЛАСУПОРӢ ИҶРО ШУД

Ҳисор, 8 июн. (АМИТ «Ховар», Ҳотам Рабиев).-Кирмакпарварони ноҳияи Ҳисор 39 тонна ашёи гаронбаҳои саноатӣ ҷамъ оварда, нақшаро 130 фоиз иҷро карданд. Дар ин комёбӣ пеш аз ҳама саҳми хоҷагиҳои ба номи Латиф Муродов, Карл Маркс, Калинин, «Шараф», «Ватан», «Боғистон», «Баракати чорводор» хеле калон аст. Тавре, сардори идораи пиллахушккунии ноҳия Мирзоҷумъа Мирзоазизов ба хабарнигори АМИТ «Ховар» гуфт, иҷрои нақша барои кирмакпарварони ноҳия ҳадди охир нест,-онҳо захираю имкониятҳои хешро пурсамар истифода бурда, ҳар рӯз маҳсулот супорида истодаанд.