СОЗИШНОМАҲОИ НАВ ВА ҲАМКОРИҲОИ СУДМАНД

Душанбе, 29 июн. (АМИТ «Ховар», Лаззат Диловарзод).- Бино ба гуфти иқтисодшиноси шинохта Эмоми Раҳим, созишномаҳои нави байнидавлатӣ миёни Ҷумҳурии Тоҷикистон ва райони автономии Синсизян – Уйғури Ҷумҳурии Мардумии Чин дар рушди муносибатҳои нави иқтисодӣ, савдо, энергетика, саноат, нақлиёт ва коммуникатсия, хоҷагии кишоварзӣ, тандурустӣ ва маориф, илму фарҳанги ҳарду давлати ҳамсоя саҳифаи нави ҳамкориро боз хоҳад кард. Тибқи созишномаҳои нав дар давоми ду соли оянда хати нави интиқоли барқи «Хуҷанд — Айнӣ» ба маблағи 36,9 млн. доллар, ки иқтидори он 220 кВт/ соатро ташкил медиҳад сохта хоҳад шуд. Тавассути фаъолияти соҳибкорони ҳарду ҷумҳурӣ иқтисодиёт сол аз сол ривоҷ ёфта, даҳҳо корхонаҳои нави истеҳсолӣ ба кор андохта мешаванд. Фаъолияти беш аз 40 шркати чинӣ дар Тоҷикистон нишон аз ҳамкориҳои бештар судмнди иқтисодӣ миёни Ҷумҳурии Тоҷикистон ва ин давлати аз ҷиҳати иқтисодӣ рушд кардаи ҷаҳонӣ мебошад. Соҳибкорони чинӣ дар соҳаи гидроэнергетика, саноат, хоҷагии кишоварзӣ, рушди пахтакорӣ, коркарди меваю сабзавот дар Тоҷикистон бештар таваҷҷӯҳ зоҳир  менамоянд, ки он ба  пешрафти иқтисоди Тоҷикистон мусоидат хоҳад кард.