26 ФОИЗИ ГАНДУМ ҶАМЪОВАРӢ ГАРДИД

Душанбе, 1 июл. (АМИТ «Ховар», Лаззат Диловарзод).-  Тибқи маълумоти фаврии маркази матбуот ва иттилооти Вазорати кишоварзӣ, соли ҷорӣ дар ҳамаи ноҳияҳои ғаллакори ҷумҳурӣ дар масоҳати 247 ҳазору 211 гектар гандум кишт карда шудааст, ки то 30 –юми июни соли ҷорӣ майдони 68 ҳазору 326 гектар, ки 27,6 фоизи умумии замини кишти гандумро ташкил медиҳад даравида шудааст. То 30 –юми июн аз масоҳати даравидашуда   54 ҳазору 688 гектари он кӯфта шуда 148 ҳазору 872 тонна ҳосили гандум ба даст оварда шудааст. Бино ба маълумоти ҳамин манбаъ, ҳосили ба даст овардашуда нисбат ба ҳамин давраи соли гузашта 43 ҳазору 973 тонна  зиёд аст. Ҳосилнокии ғаллаи куфташуда бошад аз ҳар як гектар 27, 2 сентнериро ташкил додаст, ки нисбат ба соли 2009 0,6 сентнерӣ  камтар аст.