«ДИРАМ»-НАҚШАИ НАВИ «ТАРОФАВӢ»

Душанбе, 14 июл. (АМИТ»Ховар», Мавзуна Бойева).-ҶММ «Таком» пешбарандаи хизматрасониҳои алоқаи мобилӣ, ки зери тамғаи тиҷоратии  «Билайн», дар чумҳурии Тоҷикистон  фаъолият дорад, нақшаи нави  тарофавӣ бо пули миллӣ -«Дирам»-ро ба муштариён пешниҳод намуд. Дар нақшаи тарофавии «Дирам» муштариёни  «Билайн» имконият пайдо менамоянд, ки  бо нархи ба  ҳама дастрас  дар дохили шабака  занг зананд. Нархи як занг  4 дирамро ташкил медиҳад. Нақшаи тарофавии «Дирам»-ин пешниҳоди дуюми  ширкат бо пули миллист ,-изҳор намуд директори тиҷоратии ҶММ « Таком» Евгений Мониев . Бартарии фарқкунандаи он зангҳои фоидаовори дохили шабака ва назорати мувозинат новобаста аз қурби доллар ба ҳисоб меравад ,ки ин маҳаки асосиест зимни супоридани маблағи  хизматрасониҳои алоқаи мобилӣ. Зангҳои дохилишабакавии 4 дирама ҳангоми ба хизматрасонии «Шабакаи ман» дохил шудан дастрас мегарданд. Қимати пайвастшавӣ ба  «Шабакаи ман» 4,3 сомониро ташкил медиҳад .