Э.РАҲМОН ПРЕЗИДЕНТИ НАВИ ОЛМОНРО ТАБРИК НАМУД

Президенти  Ҷумҳурии  Тоҷикистон  Эмомалӣ  Раҳмон  2  июл  ба  унвони  Президенти  Ҷумҳурии Федероли  Олмон Кристиан  Вулф барқияи  шодбош  фиристод. Дар  барқия  аз  ҷумла  гуфта  мешавад:  «Лутфан,  табрики самимонаи  маро  ба  муносибати   Президенти  Ҷумҳурии  Федероли  Олмон  интихоб  шуданатон  қабул  фармоед. Муносибатҳои   ҳамкорӣ  ва  шарокати  давлатҳоямон  тӯли  солҳои охир  ба  таври  назаррас   густариш  ёфтанд. Боварӣ  дорам, ки мо   ҳамроҳи  Шумо,  ҷаноби  аълоҳазрат  ба  муносибатҳои  кишварҳоямон  нерӯи  тоза  бахшида,   соҳаҳои  ҳамкории  худро ғанитару  васеътар   хоҳем  гардонд.  Ба  Шумо,  ҷаноби  Президент  дар  фаъолияти   давлатиатон   барору  комёбӣ  ва ба халқи  мамлакататон  сулҳ ва  рӯзгори  фараҳмандона  орзу  менамоям». Дар  ин  бора ба  АМИТ «Ховар»  аз  дафтари  матбуоти  Сардори  давлат  хабар  доданд.