НАШЪУНАМОИ ПАХТА БАЪДИ КИШТИ ТАКРОРӢ

Душанбе, 1 июл. (АМИТ «Ховар», Лаззат Диловарзод).- Бино ба иттилои фаврии Раёсати растанипарварии Вазорати кишоварзӣ, соли ҷорӣ тибқи дурнамои вазорат, бояд дар майдони 183 ҳазор гектар кишти пахта гузаронида мешуд, аммо бо баъзе сабабҳои субективӣ нақшаи кишт ҳамагӣ 90 фоиз (164503 гектар) иҷро гардидааст. Боис ба ёдоварист, ки бо сабаби номусоидии обу ҳавои имсола нафақат иҷрои дурнамо амалӣ нагашт, балки майдони 7355 гектар замини чигити киштшуда аз борону жола зарар дид ва  дар ин масоҳат  аз нав кишти такрории чигит гузаронида шуд. Айни замон сабзиши пахта дар  майдони 163 ҳазору 855 гектар хуб аст. Тибқи  чорабиниҳои агротехники  гузаронидашуда, то 28 –уми июн дар майдони 417 ҳазору 707 гектар (ду маротиба) коркарди байни қаторҳо, дар масоҳати 175 ҳазору 816 (як маротиба) озуқадиҳӣ ва дар масоҳати 110 ҳазор (70 фоиз) гектар оби сабзиш дода шудааст, ки  73 фоизи нақшаро ташкил медиҳад.