САФАРИ КОРИИ ЭМОМАЛӢ РАҲМОН БА ВОДИИ ҲИСОР

Субҳи  имрӯз  Президенти  Ҷумҳурии  Тоҷикистон  Эмомалӣ  Раҳмон бо  мақсади  вохӯрӣ бо  намояндагони  аҳли  заҳмати  шаҳру ноҳияҳои  тобеи  ҷумҳурӣ ба  ноҳияи  Ҳисор  рафт.  Ин  лаҳзаҳо  дар  ҷамоати деҳоти Хонақо,  деҳаи  Ёдгорӣ  мулоқоти   Сарвари  давлат бо  меҳнаткашон  идома  дорад. Тавре  ки  иттилоъ  расид, дар  вохӯрӣ  асосан  дар  бораи  таъмини  амнияти  озуқаворӣ,  истифодаи  мақсадноки  замин  вусъат  бахшидани  кишти  такрорӣ, инчунин дигар  масъалаҳои  вобаста  ба рушди  соҳаи  кишоварзӣ  табодули  назар  ҷараён  мегирад. Зимни  суханронии  худ  Президенти  Ҷумҳурии  Тоҷикистон  Эмомалӣ  Раҳмон  ба  кишоварзон  ҷиҳати  дарёфти  роҳҳои нави  истифодаи  мақсадноки  замин,  афзун  гардонидани  истеҳсоли  маҳсулоти  кишоварзӣ,  таъмини  бозорҳо бо  маҳсулоти арзону  хушсифат ва сари  вақт  ҷамъоварӣ  намудани  ҳосили  имсола  дастуру  ҳидоятҳои муфид дод.