КДАМ: «ПИСАРОНИ М, ЗИЁЕВ ДАР РӮЙХАТИ ФИРОРИЁН НЕСТАНД»

Душанбе, 24 август. (АМИТ «Ховар», Лутфия Эшонқулова). – Дар рӯйхати маҳбусони фирории шаби 23 август писарони собиқ Вазири ҳолатҳои фавқулоддаи ҶТ Мирзо Зиёев нестанд. Дар ин бора аз маркази матбуоти Кумитаи давлатии амнияти миллии ҶТ ба АМИТ «Ховар» хабар доданд.   Манбаи расмӣ овозаҳои зиёдро, ки васоити ахбори омма дар мавриди дар байни фирориён будани ду писари Мирзо Зиёев- Муҳаммадризои 23 сола ва Саидаҳмади 26 сола паҳн карда буданд, рад намуд. Ёдовар мешавем, ки писарони Мирзо Зиёев мутаносибан ба 28 ва 30 соли маҳрумӣ аз озодӣ маҳкум шуда буданд,.    Ҳамчунин, дар рӯйхати фирориён номҳои пайвандони Мирзо Зиёев – Аъзамшоҳ Зиёеви 41 сола ва Ҷонибек Зиёеви 31 сола мавҷуданд.