ҶАМЪОВАРИИ ДУРРИ ГАРОНБАҲО
Кӯлоб, 13 сентябр. (АМИТ «Ховар», Сулаймон Холов). — Дар хоҷагиҳои пахтакори мамлакат маъракаи ҷамъоварии ҳосили парвариш намудаи марди деҳқон оғоз гардид. Яке аз аввалинҳо шуда деҳқонони хоҷагии калонтарини тухмипарварии ноҳияи Кӯлоб-хоҷагии ба номи Мир Саид Алии Ҳамадонӣ ба ҷамъоварии ҳосил шурӯъ намуданд. Бояд гуфт, ки хоҷагии мазкур аксари хоҷагиҳои пахтакори ноҳия ва минтақаро бо тухмии хушсифат таъмин менамояд. Дар қитъаи Сангпар деҳқонон дар майдони 71 гектар пунба кишт намуда, ҳосили хеле фаровон рӯёниданд ва азм доранд, ки ҳосили парваридаро пурра ҷамъоварӣ намоянд. Қобили зикр аст, ки дар хоҷагии мазкур имсол дар майдони 1100 гектар пахтаи навъҳои Сорбон, Ирам, ориёӣ ва супер-элита кишт намуда, қоидаҳои агротехникиро сари вақт гузарониданд. Имсол кишоварзони ноҳияи Кӯлоб дар майдони 3 ҳазору 169 гектар пахта корида, мақсад доранд, ки беш аз 6300 тонна дурри гаронбаҳо ҷамъоварӣ намуда, дар беҳтар гардидани вазъи иқтисодии мамлакат, таъмини бозори дохилӣ бо ашёи хоми пурарзиш ва баровардани он ба хориҷи кишвар саҳми худро гузоранд.
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
