624 ХОНАНДА ДАР МАКТАБИ ДУОШЁНА

Ҳамадонӣ, 13 сентябр. (АМИТ «Ховар», Сулаймон Холов). —  Бахшида  ба  ҷашни  19-умин  солгарди  Истиқлолияти  ҶТ  ва  900  рӯзи  ободонию   созандагӣ   дар  ҷамоати   деҳоти  Меҳнатободи  ноҳияи  Мир  Саийид  Алии  Ҳамадонӣ   аз  тарафи  соҳибкор  Мирмулло  Файзалиев  як  нуқтаи  савдои  фурӯши   маводи  нафтӣ   ба маблағи  120  ҳазор  сомонӣ,   инчунин,  аз  тарафи  соҳибкор  Сайидаҳмад  Холов    як  мағозаи   дуошёнаи  замонавӣ  ба  маблағи  70 000  сомонӣ  сохта  ба  истифода  дода  шуд. Абдуҷаббор  Катаев,  муовини  раиси  ноҳия  оид  ба  корҳои сохтмонӣ  ва  саноати  ноҳия  афзуд, ки дар ноҳия  дар 9  моҳи  соли  ҷорӣ  ба  маблағи  7  миллиону  740  ҳазор  сомонӣ  корҳои барқароркунӣ  ба  итмом  расонида  шудаанд. Бо  маблағгузории  ҳукумати  ноҳия  ва  Бонки  исломии  Рушд    дар шаҳраки Москва мактаби  дуошёна  барои  624  хонанда  ба  маблағи  7 млн.  500 ҳазор  сомонӣ, инчунин,    болопӯши  мактаби  деҳаи  Ҳаёти  нав  дар ҷамоати деҳоти  Чӯбек  бо маблағгузории  ҳукумати  ноҳия  ва Фонди  умумиҷаҳонии  Рушд  бо  маблағи  130 ҳазор  сомонӣ  сохта,  ба  истифода  дода  шуд