БАРҚИ ХУДӢ БА ЗАРАФШОН ҲАМ МЕРАСАД

Душанбе, 30 сентябр.(АМИТ «Ховар», Лаззат Диловарзод).- Бо вуҷуди яке аз давлатҳои сароб будани Тоҷикистон мушкилоти таъмини аҳолӣ ба барқ вуҷуд дорад,- иброз доштанд дар ширкати саҳҳомии холдингии «Барқи тоҷик» ба мухбири АМИТ «Ховар».    Бино ба маълумоти Агентии омори  назди Президенти ҶТ,  агар содироти барқ дар 8 моҳи соли ҷорӣ 130,6 млн. кВт  соатро ташкил дода бошад, воридоти он дар ин давра   276,6 млн. кВт соатро ташкил медиҳад. Воридоти нерӯи барқ аз рӯи арзиш аз содироти он 4 баробар зиёд аст.     Ҷумҳурии Тоҷикистон аз рӯи захираҳои энергетикӣ имкони пурра таъмин кардани водии Зарафшонро бо барқи истеҳсолкардаи нерӯгоҳҳои худӣ дорад, аммо то имрӯз бо мушкилоти таъмин набудани хатти барқи 220 кВтаи Хуҷанд — Айнӣ водии Зарафшон бо барқи воридотӣ аз ҷумҳуриҳои ҳамсоя таъмин карда мешавад.    Дар сурати ба истифода додани хатти нави барқи 220 кВтаи Хуҷанд — Айнӣ, ки лоиҳаи он баъди 1,5 сол  амалӣ мегардад, мушкилоти таъмини барқ дар водии Зарафшон пурра ҳал хоҳад шуд.