ГУСТАРИШИ МУНОСИБАТҲОИ ТОҶИКИСТОНУ ИМА

Душанбе, 1 сентябр. (АМИТ «Ховар», Фарангис Раҳимова). – Мулоқоти Вазири корҳои хориҷии ҶТ Ҳамрохон Зарифӣ бо муовини Котиби давлатии ИМА оид ба масъалаи Осиёи Марказӣ ва Ҷанубӣ Роберт Блейк 31 август дар шаҳри Душанбе баргузор гардид. Тавре аз Вазорати корҳои хориҷии ҶТ ба хабарнигори АМИТ «Ховар» хабар доданд, дар рафти мулоқот ҷонибҳо масъалаҳои дурнамои рушди муносибатҳои дуҷонибаи Тоҷикистону Иёлоти Мутаҳидаи Амрико, амнияти минтақа, ҳамкориҳо дар Осиёи Марказӣ ва вазъияти Афғонистон, ҳамчунин, масъалаҳои дигари аҳамияти байналмиллалидоштаро баррасӣ намуданд.               Тибқи иттилои манбаъ, дар мулоқот нақши Тоҷикистон дар ҷараёни барқарорсозии иқтисодиёди давлати ҳамсояи Афғонистон ҳалкунанда арзёбӣ гардид.             «Ҷонибҳо ба мулоқоте, ки 31 август дар шаҳри Душанбе баргузор гашта буд, тибқи машварати сиёсии байни Тоҷикистон ва Иёлоти Мутаҳидаи Амрико баҳои баланд доданд».