НАМОИШГОҲИ ЭРОН ВА ТАҲКИМИ МУНОСИБАТҲО

              Cуғд,18 сентябр.( АМИТ «Ховар», М.Амонов, С. Юсуфӣ)-Намоишгоҳи миллии Ҷумҳурии Исломии Эрон, ки дар шаҳри Хуҷанд ҷараён гирифт, барои боз ҳам густариш ёфтани ҳамкориҳои тиҷоратию иқтисодии соҳибкорону тоҷирони Тоҷикистону Эрон заминаи мусоид  гардид.             Номгӯи зиёд ва навъу намудҳои молҳои истеҳсоли ширкатхои эронӣ, ки дар намоишгоҳ пешниҳод гардиданд, барои таъмини бозори дохилӣ пешбинӣ шудаанд.             Масъулини ширкатҳои эронӣ,ҳамчунин, арз намуданд, ки барои ба роҳ мондани ҳамкориҳои судманди тарафайн бо соҳибкорони тоҷик ва ширкату марказҳои савдо оид ба интиқол ва ташкили фурӯши доимии маҳсулоти ширкатҳои эронӣ заминаҳо мавҷуданд.             Намоишгоҳи миллии Ҷумҳурии Исломии Эрон нишон дод, ки ҳамкориҳои тиҷоратию иқтисодии байни ду давлат минбаъд низ  густаришу тавсеа меёбанд.