ФАРЗАНДОН КОРИ НЕКИ ПАДАРРО ИДОМА МЕДИҲАНД

Душанбе, 29 октябр. (АМИТ «Ховар», Ҳотам Рабив).-Имсол ҳам аз ҷониби сарпарасти мактаб Маҳмадёр Сафаров 5 адад компютер ва толори варзишӣ бо таҷҳизотҳои нав муҷаҳҳаз гардид, иттилоъ дод, ба хабарнигори АМИТ «Ховар» директори мактаби таҳсилоти ҳамагонии рақами 45-и ноҳияи Шаҳринав Ҳалима Зиёдуллоева. Мавриди зикр аст, ки соли 2000-ум бо ташаббус ва маблағгузории Ҳоҷи Шариф Сафарзода дар мактаби рақами 45  5 синфхона сохта ба истифода дода шуд. Ин шахси ватандӯст худи ҳамон сол 9 адад компютер низ тӯҳфа намуд. Соли 2007 Ҳоҷи Шариф Сафарзода сол то сол афзудани теъдоди хонандагонро ба инобат гирифта, дар бинои дуошёна 4 синфхона ва синфи компютериро бино намуд. Баъд аз вафоти шодравон Ҳоҷи Шариф Сафарзода соли 2009 фарзандонаш кори неки падарро идома дода, ҳамасола дар таъмир ва ободонии мактаб саҳми арзанда мегузоранд.