ИДИ «МЕҲРГОН» ВА БАРАКАТИ ОН

Файзобод, 18 октябр. (АМИТ «Ховар», Зебо Давлатова).- Ҷашни «Меҳргон» яке аз  ҷашнҳои анъанавии кишоварзон маҳсуб меёбад.  Чанд рӯз қабл  дар ноҳияи Файзобод, шаҳри Ваҳдат ва шаҳри Роѓун ин љашн хеле  пуршукӯҳ гузаронида шуд.  Тибқи  иттилои сардори  раёсати кишоварзии ноҳияи Файзобод  Ҳикматулло Қодиров ба  мухбири АМИТ «Ховар»» дар ин рӯз  масъулини ноҳия ва шаҳрҳои Роғуну Ваҳдат  маҳсулоти кишоварзии истеҳсолнамудаи худ, аз қабили  гандум, орд, помидор, картошка, пиёз, инчунин,  себу нок, ангуру анорро   бо нархҳои  нисбатан арзон  пешкаши  аҳолии ин минтаќаҳо гардониданд. Онҳо, ҳамчунин,  ваъда доданд, ки ҳар рўзи шанбею якшанбе   дар назди бозорҳои шаҳру ноҳияи номбурда  ярмаркаи фурӯши  маҳсулоти кишоварзӣ ташкил менамоянд. Ин имкон медиҳад, ки аҳолӣ аз ин намоишгоҳҳо бо нархҳои арзон маҳсулоти дилхоҳи худро дастрас намоянд.