МАБЛАҒГУЗОРӢ БАРОИ 8 НЕРӮГОҲ

Душанбе, 6 октябр. (АМИТ «Ховар». Лаззат Диловарзод).- Бино ба маълумоти Агентии омори назди Президенти ҷумҳурӣ, дар моҳҳои январ – августи соли 2010  «Муассисаи давлатии энергетика» сармоягузории асосиро ба маблағи 98,2 млн. сомонӣ асосан  барои барқарорсозӣ ва сохтмони хатҳои интиқоли барқ ва сохтмони нерӯгоҳҳои барқии обии хурд равона  кардааст.    Бино ба маълумоти ҳамин манбаъ, дар сохтмони нерӯгоҳҳои барқии обии хурди «Тоҷ » 0,9 млн сомонӣ, «Шашболоӣ»- 1,4, «Сангикар»- 1, «Фатҳобод»- 1,6, «Питавкӯл»- 1,3, «Ширкент» — 6,6, «Ҳорма» — 0,9 ва барои «Марзич» 4,6 млн. сомонӣ маблағ истифода карда шудааст.