ОЛИМИ ТОҶИК ВА ФАЛСАФАИ ЯҲУДИЁН

             Душанбе, 13 октябр. (АМИТ «Ховар») – Дар кафедраи яҳудиёни Пажӯҳишгоҳи кишварҳои Осиё ва Африқои Донишгоҳи давлатии шаҳри Маскав ба номи М. В. Ломоносов таҷрибаомӯзии профессор, доктори илми фалсафа Искандар Асадуллоев аз Академияи улуми Тоҷикистон оғоз гардид. Дар ин бора Агентии хабаргузории Исроил aen.ru . иттилоъ додааст.              «Олим аз шаҳри Душанбе якчанд дарси омӯзиширо дар бораи философия ва таърихи мардуми Исроил мешунавад.             Диққати профессор Асадуллоевро пеш аз ҳама масъалаи робитаи фарҳангии мусулмонон ва яҳудиён дар асрҳои миёна ва замони нав ҷалб намудааст. Бояд гуфт, ки таҷрибаомӯзии профессори тоҷик дар Донишгоҳи давлатии шаҳри Маскав тӯли як моҳ идома меёбад.             Таҷрибаомӯзии олими тоҷик дар чаҳорчӯби таҷрибаомӯзие, ки ташкилкунандааш кафедраи яҳудиён аст, барои тадқиқотчиёни Русия ва кишварҳои ИДМ дар чанд соли охир гузаронида мешавад.             Ин бори нахуст аст, ки  дар кафедраи яҳудиён яке аз олимҳои кишварҳои мусулмонии собиқ ИҶШС таҷрибаомӯзӣ мекунад.              Устодони кафедра умед доранд, ки таҷрибаомӯзии профессор Асадуллоев имкон медиҳад, ки дар Тоҷикистон тадқиқот ва омӯхтани асарҳо аз таърихи яҳудиён ва мардуми Исроил оғоз ёбад», — хабар медиҳад сомонаи aen.ru..