СЕ НЕРӮГОҲИ НАВИ ФАЙЗОБОД

Файзобод, 20 сентябр. (АМИТ»Ховар»,Зебо Давлатова).- Дар толори мачлисгоҳи ноҳияи Файзобод нишасти матбуотӣ бо иштироки масъулини соҳаҳои гуногун ва рӯзноманигорон   баргузор гардид. Зимни нишаст раиси ноҳия Абдулло Ҳакимов оид ба фаъолияти нӯҳмоҳаи соҳаҳои кишоварзӣ, маориф ва тандурустӣ маълумоти мухтасар дода гуфт, ки нақшаҳо оид ба пардохти ҳатмии андоз    пурра ва барзиёд ичро гардида, ба буҷа аз хисоби андозу пардохтҳо ба ҷои 4058030 сомонии ба нақша гирифташуда 4827684 сомонӣ  маблағ  ворид гардид, ки ин   ба 119 фоизи нақша баробар аст. Абдулло Ҳакимов   ба саволи рӯзноманигор дар мавриди  қабули шаҳрвандон  гуфт, ки  бештари шаҳрвандони  ноҳия ба мо  бо масъалаи  таъмин намудани онҳо  бо замини наздиҳавлигӣ мурочиат менамоянд. Имсол  мо бо қарори махсуси Агентии заминсозӣ, харитасозӣ ва геодезии назди Ҳукумати Ҷумҳурии Тоҷикистон   5 хазор нафар  сокини ноҳияро бо замини наздиҳавлигӣ таъмин карданием.Гумон мекунем,ки ин проблема рӯзҳои наздик ҳалли худро  меёбад. Инчунин,  дар ноҳия ду истгоҳи барқи бодӣ ва як нерӯгоҳи хурди обӣ мавриди истифода қарор дорад. Сохтмони як нерӯгоҳи хурди  барқи обии дигар дар ҷамоати деҳоти «Чашмасор» бо иқтидори 40 кВт   идома дорад,ки  он  баҳри беҳбудии зиндагии аҳолии  ноҳия дар шароити кунунӣ ва  бо барқ таъмин намудани онҳо  мусоидат менамояд.