СОҲИБОНИ ХОНАҲОИ ҒАЙРИҚОНУНӢ ДАР «ХОВАРОН» БУРЁКӮБОН МЕКУНАНД

    Душанбе, 1 октябр. (АМИТ «Ховар», Марзия Саидова).-Масъалаи  ихтиёран аз ҷониби соҳибмулкон бартарафсозии 31 хонаи дар маҳали заводи семент ғайриқонунӣ сохта шуда, зимни қабули сокинон аз ҷониби Раиси шаҳри Душанбе Маҳмадсаид Убайдуллоев ҳалли мусбати худро ёфт. Онҳо ҳуқуқ пайдо карданд, ки дар маҳаллаи «Ховарон» тибқи лоиҳаи тасдиқгардида, ба сохтмони манзилҳои нав оғоз намоянд. Дар муддати 6 моҳи ҷараёни корҳои сохтмонӣ 31 оила  аз ҳисоби фонди манзили коммуналӣ  бо манзилҳои иҷоравии ройгон таъмин карда мешаванд. Дар асоси дастури Раиси шаҳр 50% маблағи иҷора аз ҷониби шаҳрдорӣ ва 50% -и дигараш аз ҷониби ноҳияи И. Сомонӣ пардохт мешавад.