ЛОИҲА ЗИДДИ ФУРӮШИ ОДАМОН

 Душанбе, 22 ноябр. (АМИТ «Ховар», Лаззат Диловарзод).- Дар назди кафедраи ҳуқуқи ҷиноятии Донишгоҳи миллии Тоҷикистон Маркази миллии таълими мубориза ба муқобили фурӯши одамон кушода шуд.    Ҳукумати Иёлоти Муттаҳидаи Амрико (ИМА) барои амалӣ шудани ин лоиҳа 650 ҳазор доллар ҷудо намудааст. Мақсад аз таъсиси ин лоиҳа, тайёр намудани кормандони ҳифзи ҳуқуқ, аз ҷумла донишҷӯёни соҳа оид ба тафтиши босамари парвандаҳои ҷиноӣ зидди одамфурӯшӣ мебошад.    Ҳангоми кушодашавии  Марказ сафири ИМА дар Ҷумҳурии Тоҷикистон ҷаноби Кен Гросс изҳор дошт, ки ИМА бо қатъияти том дар тамоми дунё муборизаро дар замони муосир зидди ғуломӣ  идома хоҳад дод.      Бояд тазаккур дод, ки соли 2009 Ҳукумати ИМА 168 барномаҳои байналмилалиро дар мубориза ба муқобили фурӯши одамон миёни 80 давлат  ба маблағи умумии  84 млн. доллар  дастгирӣ намудааст.