МӮЪМИНОБОД СЕРОБ МЕШАВАД

       Мӯъминобод, 30 ноябр. (АМИТ «Ховар»,  Сулаймон Холов). – Дар  ноҳияи Мӯъминобод  дар баробари рушди инфрасохтори  маҳал, яъне бунёди  роҳу  пулҳо,  вусъати корҳои  бунёдкориву созандагӣ   бо  ташаббуси  раиси  ноҳия Сафаралӣ Зокиров  боз ду  иншооти обтаъминкунӣ мавриди  истифодаи  сокинони  деҳот қарор гирифт.   Таъмини мардум  бо  об  агар  аз як  тараф  мушкилоти  мардумро ба дастрасии оби  ошомидании тоза  осон намояд,  аз  ҷониби дигар  он   тадбирандешӣ    ҷиҳати амалӣ  гардонидани  Барномаи  « Даҳсолаи амалиёти  об  барои  ҳаёт»  ба ҳисоб меравад.                   Дар  ноҳия, ҳамчунин дар    мавзеи  дурдасти  ҷамоати  деҳоти Чилдухтарон, ки  дар  баландии  беш  аз 2000 метр  аз  сатҳи  баҳр ҷойгир   аст,  иншооти обтаъминкуӣ  васл гардид. Аз ин таҷҳизот   ба   11  нуқта хатти  об  кашида шуд, ки минбаъд  мушкилоти  беобии аҳолии ноҳияро ҳал менамояд. Ногуфта  намонад, ки   давомнокӣ ва  пойдории  истифодаи  ин  иншоот аз  маданияти истифодабарандагони об  вобаста аст.  Бояд  қайд  намуд,  дар  бунёди  ин ду   иншооти   обрасон  беш аз 46 ҳазор доллари  амрикоӣ  маблағ масраф    шудааст.