МУЛОҚОТИ ВАЗИРОНИ КОРҲОИ ХОРИҶИИ ТОҶИКИСТОНУ ЧИН

Душанбе, 25 ноябр. (АМИТ «Ховар»).-Имрӯз, 25 ноябри соли 2010, дар чараёни маҷлиси Сарони Ҳукуматҳои кишварҳои узви Созмони Ҳамкории Шанхай мулоқоти кории Вазири корҳои хориҷии Ҷумҳурии Тоҷикистон Ҳамрохон Зарифӣ бо Вазири корҳои хориҷии Ҷумҳурии Халқии Хитой Ян Тзечӣ баргузор гардид. Дар рафти мулоқот сатҳи ҳамкориҳои дуҷониба ва бисёрҷониба, ба хусус ҳамкориҳо дар доираи Созмони ҳамкории Шанхайро мавриди баррасӣ қарор гирифт. Вазирон иҷроиши лоиҳаҳои иқтисодиву тиҷоратиро баррасӣ ва роҳҳои густариши минбаъдаи муносибатҳои мутақобилан судмандро муҳокима намуданд. Вазирони корҳои хориҷӣ инчунин оид ба масъалаҳои минтақавию байналмилалӣ, ки мавриди таваҷҷӯҳи тарафҳо мебошанд, мудобилаи афкор намуданд. Зимни мулоқот баъзе масъалаҳои минтақавӣ, аз ҷумла вазъияти Ҷумҳурии Исломии Афғонистон, ки ба ҳар ду кишвар ҳамҷавор мебошад, мавриди баррасӣ қарор дода, роҳандозии барномаҳои иқтисодиву иҷтимоиро ба ҳайси яке аз муҳимтарин роҳҳои ҳалли мушкилот ва таъмини сулҳу субот дар ин кишвар таъкид намуданд.