ОМОДАГИИ ТОҶИКИСТОН ДАР САТҲИ БАЛАНД АСТ

Душанбе, 24 ноябр. (АМИТ «Ховар», Пайрав Назаров).- 23 ноябр Вазири корҳои хориҷии ҶТ Ҳамрохон Зарифӣ ва котиби генералии СҲШ Муротбек Имоналиев масъалаҳои ҷаласаи дар пешистодаи Шӯрои сардорони ҳукуматҳои (сарвазирон) давлатҳои аъзои Созмони ҳамкории Шанхай (СҲШ)-ро баррасӣ намуданд.             Дар рафти мулоқот М. Имоналиев омодагии Тоҷикистонро барои гузаронидани ин чорабинии муҳими сиёсӣ дар сатҳи баланд арзёбӣ намуд. Ҳ. Зарифӣ ва М. Имоналиев масъалаи фаъолияти СҲШ, дурнамои рушд ва амаликунии лоиҳаҳоро дар алоҳидагӣ бо мақсади баланд бардоштани манфиати ҳамкориҳои иқтисодии кишварҳои узви Созмон баррасӣ намуданд. Ҷонибҳо, ҳамчунин, масоили ҳамкориҳои минтақавӣ, амнияти минтақа ва вазъи Афғонистонро муҳокима карданд. Дар ин бора ба хабарнигори АМИТ «Ховар» аз департаменти иттилоотии Вазорати корҳои хориҷии ҶТ хабар доданд.