ТАҶЛИЛИ РӮЗИ ПАРЧАМИ ДАВЛАТӢ

Хоруғ. 22 ноябр. (АМИТ «Ховар», Л.Додо ). –   Рӯзи  22  ноябри соли ҷорӣ  ба шарафи  Рӯзи парчами   Ҷумҳурии  Тоҷикистон донишҷӯён ва  устодони  Донишгоҳи  Давлатии  шаҳри  Хоруғ дар  ҳамбастагӣ бо  Раёсати  ҷавонон, варзиш ва  сайёҳии  ВМКБ  бо парчами  давлатии  Ҷумҳурии  Тоҷикистон дар  масофаи 3 км  раҳпаймоӣ  намуданд. Сипас, соати 11     дар  толори  калони  Донишгоҳи  Давлатии   шаҳри  Хоруғ дар  мавзӯи  «Парчам яке  аз  рамзҳои  асосӣ  ва  нишони  соҳибихтиёрии давлат»,   конфронси  илмӣ — адабӣ  баргузор гардид. Саҳни  толори   донишгоҳ  бо овезаҳо ва  парчамҳо оро  дода  шуда,  таҳти  суруди  «Қасам» се  тан донишҷӯ бо  парчами  Ҷумҳурии  Тоҷикистон  аз даромадгоҳи  асосӣ  вориди  толор   гарданд. Ҳозирин бо  қарсакзании  пурмавҷ ҳагоми ворид сохтани      парчами  ҷумҳурӣ аз ҷой  бархестанд. Сипас, профессор, ректори  донишгоҳ Г.Ҷангибеков  бо  суханҳои  табрикӣ  баромад   намуд.   Баъд   донишҷӯён  дар  боби  Парчами   давлатӣ,  Ватан,  сулҳу  амонӣ  шеърҳо қироат  намуданд. Конфронси  илмию  адабӣ  бо  суруди  «Қасам» поён  ёфт.