ТАҲДИДИ ТЕРРОРИСТОН ОМӮХТА МЕШАВАД

Душанбе,  16 декабр. (АМИТ «Ховар»)   — 15 нафар корманди Вазорати корҳои дохилӣ ва Кумитаи давлатии амнияти миллии Тоҷикистон аз курси омӯзишии дуҳафтаинаи идоракунии амалиёти махсус гузаштанд.             Афсарони ҳифзи ҳуқуқи Тоҷикистон банақшагирии тактикӣ ва иҷрои амалиёти махсусро омӯхтанд, ки он натиҷаи бобарор, амнияти шахс ва нафарони дигареро, ки дар чорабинӣ иштирок доранд, озодии баён ва ҳуқуқи шаҳрвандони осоиштаро кафолат дода, ҳамзамон хавфу хатари аз ҷониби одамон, гурӯҳ ва ё террористон таҳдид менамударо паст менамояд.               Курси идоракунии амалиёти махсус аз рӯи ҳисоб шашум маҳсуб ёфта, он баҳри расонидани кӯмак дар мубориза бар зидди терроризм соли 2010 бо дастгирии молиявии Бюрои амнияти минтақавии сафорати ИМА дар Ҷумҳурии Тоҷикистон ташкил гардидааст. Аз соли 2002 зиёда аз 400 шахси баландмартабаю масъули давлатӣ дар барномаҳои омодагӣ иштирок намуданд, ки онро созмони ҳамкорӣ дар мубориза бо терроризм ба маблағи 6 миллион доллар маблағгузорӣ намудааст. Барномаҳои тайёрӣ дар ИМА ва Тоҷикистон гузаронида мешаванд. Дар ин бора ба хабарнигори АМИТ «Ховар»  аз намояндагии дипломатии ИМА дар Душанбе иттилоъ доданд.