«ФОРУМ – БИЗНЕС»-И ОСИЁИ МАРКАЗӢ

    Душанбе, 4 март. (АМИТ «Ховар», Лаззат Диловарзод). — Аз 6-ум то 8 –уми апрели соли 2011 дар муҷтамаи Кохи Борбади шаҳри Душанбе дуюмин намоишгоҳи байналмилалии саноатӣ — тиҷоратӣ баргузор мегардад.    Дар баробари баргузории намоишгоҳ, ҳамчунин, гузаронидани форуми тиҷоратии Осиёи Марказӣ ба нақша гирифта шудааст, ки он дар рӯзи дуюми ин намоишгоҳ 7 –уми апрел дар меҳмонхонаи «Hyatt Regency» доир мегардад.    Боиси тазаккур аст, ки чун дар форуми аввала иштироки беш аз 400 нафар соҳибкорон аз 20 давлати ҷаҳон  дар назар аст. Дар намоишгоҳ соли ҷорӣ масолеҳи сохтмонӣ, мошинолот ва таҷҳизот, маҳсулоти пластикӣ, косметикӣ, собун, маҳсулоти хӯрокворӣ, мебел, қисмҳои эҳтиётии автомобилӣ, мошинҳои хоҷагии кишоварзӣ ба маърази тамошо  гузошта мешаванд.             Намоишгоҳ бо дастгирӣ ва мадади   Ҳукумати ҶТ, Палатаи савдо ва саноати ҶТ, Иттиҳоди соҳибкорони Тоҷикистон ва Палатаи савдо ва саноати ИДМ гузаронида мешавад.