ИШТИРОКИ 15 ТЕАТРИ КАСБӢ ДАР «ПАРАСТУ-2011»

 Душанбе, 11 март. (АМИТ «Ховар», Дилшодаи Хайруллох). — Аз 28 март то 3 апрели соли 2011 дар доираи таҷлили ҷашни 20-умин солгарди Истиқлолияти давлатии Тоҷикистон дар пойтахти кишвар-шаҳри Душанбе фестивал-озмуни ҷумҳуриявии театрҳои касбӣ «Парасту-2011» баргузор мегардад. Дар чашнвораи мазкур 15 театри касбии шаҳру ноҳияҳои ҷумҳурӣ ширкат менамоянд. Тибқи низомнома ба фестивал-озмун асарҳое пешниҳод мегарданд, ки аз ҷониби драматургони тоҷик дар даврони истиқлолият дар мавзӯъҳои муосир офарида шудаанд. Барои ғолибони фестивал-озмун Шоҳҷоиза, се ҷой ва ҳамчунин барои беҳтарин режиссура, нақшофарӣ, ороиши мусиқӣ, ороиши саҳна мукофоти пулӣ муайян  шудааст. Инчунин, иштирокдорони озмун бо дипломҳои махсус сарфароз мегарданд.