Бунёдкориҳо дар ноҳияи Мурғоб идома дорад

Хоруғ, 3 август (АМИТ «Ховар», Лутфишоҳ Додоев). – Тавре аз мақомоти маҳаллии ҳокимияти давлатии ноҳияи Мурғоб иттилоъ доданд, рӯзҳои наздик дар ин ҷо бинои дуошёнаи мактаби рақами 9, бинои намояндагии Амонатбонк, терминал, Агентии назорати маводи нашъаовари назди Президент ва даҳҳо иншоотҳои дигар мавриди истифода қарор мегирад. Дар болои дарёи Мурғоб пули мошингард бунёд гардид. Ҳафтаи гузашта муовини аввали вазири энергетикаи ҷумҳурӣ Пӯлод Муҳиддинов бо фаъолияти лоиҳакашони нерӯгоҳи барқии «Оқсӯ — 2» ошно гардида, иттилоъ дод, ки соли ҷорӣ бунёди ин иншоот оғоз мегардад. Ин дуюмин нерӯгоҳи обию барқии ноҳияи Мурғоб буда, баъди мавриди истифода қарор гирифтани он аҳолӣ аз истифодаи нерӯи барқ бештар бархӯрдор мешавад.