Дастовардҳои арзанда ба истиқболи ҷашни Истиқлол

Турсунзода, 18 август. (АМИТ «Ховар», Ҳотам Рабиев). – Коргарони Корхонаи фаръии давлатии «Алюминсохтмон» 20-умин солгарди Истиқлолияти давлатии Ҷумҳурии Тоҷикистонро бо дастовардҳои арзандаи меҳнатӣ истиқбол мегиранд. Ҳарчанд ки, КФД «Алюминсохтмон» се сол боз фаъолият дорад, вале аллакай саҳми коргарони ин корхона дар бисёр иншоот назаррас аст. Аз ҷумла, сохтмончиён бинои маъмурию маишии заводи криолитро дар Ёвон, боғчаи бачагонаи №-6-ро дар ноҳияи Данғара, осоишгоҳ ва меҳмонхонаи сеситорадорро дар ноҳияи Ишкошим, манзилҳои истиқоматиро дар шаҳри Кӯлоб, таҳкурсии пояи Парчамро дар Душанбе ва манзили 75 ҳуҷрадорро дар шаҳри Турсунзода сохта ва ба истифода доданд.