Таваҷҷӯҳи «KASB FINANCE» ба сармоягузорӣ дар Тоҷикистон

Душанбе, 26 август. (АМИТ «Ховар», Бекназари Абӯбакр). — Масъалаи сармоягузории ширкати «KASB FINANCE» дар соҳаҳои мухталифи иқтисодиёти Тоҷикистон, аз ҷумла дар соҳаҳои истихроҷи маъданҳои кӯҳӣ, бонкдорӣ ва ғайра чанде қабл, дар ҷараёни мулоқоти раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Давлаталӣ Саидов бо раиси ширкати «KASB FINANCE» Насир Алӣ Шоҳ Бухорӣ баррасӣ гардид.Д. Саидов оид ба самтҳои фаъолияти Кумита, соҳаҳои афзалиятноку судманд ва воқеияти фазои сармоягузории кишвар маълумоти мухтассар пешниҳод намуда, ҷиҳати ҳамкорӣ изҳори омодагӣ кард. Вай гуфт, ки яке аз намудҳои эҳтимолии сармоягузорӣ ин ташкили фонди муштарки сармоягузорӣ метавонад буд, ки тавассути он татбиқи лоиҳаҳои сармоягузории афзалиятноку судманд амалӣ хоҳанд шуд.