Баррасии масоили ҳамкориҳои Афғонистон, Тоҷикистон ва Ӯзбекистон
Душанбе, 14 сентябр. (АМИТ «Ховар», Лутфия Эшонқулова). – 15 ва 16 сентябр дар шаҳри Душанбе Конфронси байналмилалӣ таҳти унвони «Равобити минтақавӣ ва тадбирҳои муштараки наздисарҳадии байни мақомоти сарҳадию гумрукӣ ва мақомоти корҳои дохилии Афғонистон, Ӯзбекистон ва Тоҷикистон» масъалаҳои ҳамкории хадамоти сарҳадию гумрукии Афғонистон, Ӯзбекистон ва Тоҷикистон мавриди муҳокима қарор мегирад.
Бино ба хабари намояндагии Барномаи рушди СММ дар Тоҷикистон, дар кори конфронс сафирон ва намояндагони созмонҳои байналмилалии муқими Тоҷикистон, ҳамчунин намояндагони олимақом ва роҳбарони намояндагиҳои Иттиҳоди Аврупо ва созмонҳои байналмилалӣ дар Афғонистон, Тоҷикистон ва Ӯзбекистон иштирок менамоянд.