Зафари «Зафар»

Душанбе, 2 сентябр. (АМИТ «Ховар», Бекназари Абӯбакр). — Хоҷагии деҳқонии «Зафар»-и ноҳияи Зафаробод 1 сентябри соли ҷорӣ нақшаи солонаи пахтасупориро иҷро кард. Аз майдони 52 гектар ба нуқтаҳои пахтатайёркунӣ ба ҷойи 88,4 тонна 105 тонна «тиллои сафед»-и деҳқонони хоҷагӣ ворид гардид. Аз ҳар гектар ба ҳисоби миёна 20,3 сентнерӣ ҳосил гирифта шуд. Аз хадамоти матбуоти раиси вилояти Суғд ба АМИТ «Ховар» иттилоъ доданд, ки деҳқонони ин хоҷагӣ то охири мавсим боз 100 тоннаи дигар пахта ҷамъоварӣ намуда, ҳосилнокиро аз ҳар гектар ба 38 – 40 сентнерӣ мерасонанд.