Журналистон инъикоси раванди буҷаро меомӯзанд
Душанбе, 23 сентябр.(АМИТ «Ховар», Музаффар Рустамов). — Аз 29 то 30 сентябри соли ҷорӣ дар Маркази тиҷоратии «Вафо» дар доираи лоиҳаи “Иштироки шаҳрвандон дар равандҳои буҷавӣ, шаффофияти буҷа”-и барномаи «Худидораи маҳаллӣ»-и Институти «Ҷомеаи Кушода» — «Бунёди Мадад» дар Тоҷикистон омӯзиши дурӯза барои журналистон бо унвони «Шаффофияти буҷа ва ВАО: мӯҳтаво ва қолаб» баргузор мегардад. Ҳадаф аз чорабинии мазкур ошно кардани журналистон бо равандҳои таъмини шаффофияти буҷаи давлатӣ ва маҳаллӣ мебошад. Ҳамчунин, ҳангоми тренинг журналистон механизмҳои ҷалби шаҳрвандонро дар раванди буҷа ва таъмини шаффофияти буҷаи давлатӣ меомӯзанд. Барои ширкат дар омӯзиши мазкур журналистоне, ки таҷрибаи инъикоси масоили иқтисодиро доранд даъват шудаанд.