Қарзи хоричии Тоҷикистон чӣ қадар аст?

Душанбе, 25 октябр. (АМИТ «Ховар», Покиза Маҳмадбекова). — То 1 октябри соли ҷорӣ қарзи хориҷии Тоҷикистон ба 2,1 млрд. доллари  ИМА расида, 33, 4 фоизи онро маҷмӯи маҳсулоти дохилии ҷумҳурӣ ташкил медиҳад. Тавре ки аз Вазорати молияи кишвар ба АМИТ «Ховар» иттилоъ доданд, тайи 9 моҳи соли ҷорӣ барои пардохти қарзи асосӣ ва фоизнок аз буҷаи давлат 40 миллион доллари ИМА ҷудо карда шудааст. Тибқи маълумоти Агентии омори назди Президенти ҶТ ҳаҷми умумии буҷаи давлатӣ аз рӯи натиҷаи семоҳаи сеюми соли равон   6 млрд. 53,7 млн. сомонӣ ва ё 103,1 фоизи нақшаи дақиқшударо ташкил дод. Хароҷоти буҷаи давлат дар моҳҳои январ-августи соли ҷорӣ беш аз 5,2 млрд. сомониро ташкил дод, ки нисбат ба нишондоди ҳамин давраи соли гузашта 1,1 млрд. сомонӣ зиёд аст.То 1 январи соли 2011 қарзи хориҷии Тоҷикистон аз 1 млрд. 942,8 млн. доллари ИМА иборат буд, ки 34,6 фоизи онро маҷмӯи махсулоти дохилӣ дар соли 2010 ташкил медиҳад.