Бохти аввалини футболбозони ҷавон

Душанбе, 26 октябр. (АМИТ «Ховар», Аловиддин Бӯриев). – Дастаи мунтахаби ҷавонони то 19 солаи Тоҷикистон дар вохӯрии нахустини интихобии ҷоми Осиё аз дастаи мунтахаби Баҳрайн бо натиҷаи 4 бар 0 мағлуб шуд. Дар ин бозӣ сармураббии даста Ораз Назаров чунин ҳайатро ба майдон баровард: . Баҳодур Шамсов, Алишер Шарипов, Бахтиёр Азимов (Алиҷон Азизов, дақиқаи 89), Фахриддин Сафарзода, Даврон Ҳабибуллоев, Абдулло Саидов , Абдурасул Раҳмонов, Шавкат Ҳотам, Ҷахонгир Эргашев, Фирӯз Қараев (Фирӯз Юсупов, дақиқаи 65), Зафар Раҳимов. Дар дақиқаи 45-уми қисми аввали бозӣ Абдураҳмон Юсуф ҳисобро кушод. Дар дақиқаҳои 51-ум ва 52-ум Алӣ Ҷамол Муҳаммад бо ду голи задааш ҳисобро афзуд. Алӣ  Аҳмад Ғолиб тӯби 4 – уми дастаи Баҳрайнро вориди дарвоза кард. Ҳамин тавр, дар вохӯрии нахустин футболбозони ҷавони тоҷик маъюсона  майдонро тарк карданд ва акнун рӯзи 27-и октябр бо футболбозони Бутан қувва месанҷанд.   Дар ин гурӯҳ дастаи мунтахаби Қатар бар Бутан бо натиҷаи 3 бар 0 ва Кувайт бар Урдун бо ҳисоби 1 бар 0 ғалаба карданд.