Фестивали «Фазои Иттиҳод»
Душанбе, 21 октябр. (АМИТ «Ховар», Людмила Дубинина). – Дар чаҳорчӯбаи нақшаи чорабиниҳо бахшида ба 20 – солагии ИДМ ва 20 – умин солгарди истиқлолияти Ҷумҳурии Тоҷикистон 27 октябр дар «Кохи Борбад» — и шаҳри Душанбе фестивали байналмилалии мусиқии «Фазои Иттиҳод» баргузор мегардад. Фестивал бо ибтикори Вазорати фарҳанги ҶТ таҳти васояти Бунёди байнидавлатии ҳамкории башардӯстона роҳандозӣ мешавад.Фестивали фарҳанг ва анъанаҳои миллӣ, ки чун солҳои пештара ситораҳои ҷавони эстрадии кишварҳои аъзои ИДМ ва Гурҷистонро ҷамъ месозад, таҳти шиори «Мо зери як осмонем!» баргузор шуда, дар он сарояндагони маъруфи эстрада ва мутрибони Русия, Қазоқистон, Қирғизистон, Беларус, Арманистон иштирок менамоянд. Аз ҷониби Тоҷикистон дар ин фестивал Нозияи Кароматулло, Меҳринигори Рустам ва Зикриоллоҳ Ҳакимов ҳунарнамоӣ мекунанд. Хотирнишон месозем, ки фестивали «Фазои Иттиҳод» соли 2010 дар пойтахти Тоҷикистон бори нахуст доир гардида, акнун анъанаи неки кишварҳои Иттиҳод шудааст. Фестивал ба таҳкими муносибатҳои байнидавлатӣ дар бахши фарҳангу санъат мусоидат мекунад.
Аз 22 то 24 декабр дар бештари ноҳияҳои Тоҷикистон фаромадани туман ва резиши қирав боқӣ мемонад
Паём — роҳнамои татбиқи идеяҳои низоми давлатдории миллӣ
Ба 10 зани ҳунарманд ва соҳибкори шаҳри Бӯстон гранти раиси шаҳр тақдим карда шуд
Имрӯз дар шаҳри Душанбе бориши борон ва барф дар назар аст
Оид ба рушди ҳунармандӣ ва истифода аз грантҳои президентӣ дар ноҳияи Рӯдакӣ машғулияти омӯзишӣ доир гардид
Доир ба нақши Китобхонаи миллии Тоҷикистон дар омӯзиши забонҳои чинӣ ва кореягӣ конфронс доир шуд
Дар вилояти Суғд ғолибони озмунҳо қадрдонӣ гардиданд
Дар шаҳри Ҳисор маъракаи азнавбақайдгирии нафақагирон идома дорад
Имрӯз дар Тоҷикистон зимистони астрономӣ фаро мерасад
Имрӯз дар баъзе ноҳияҳои Тоҷикистон бориши борон ва барф дар назар аст
«Кока-Кола Нӯшокиҳои Тоҷикистон» ва Федератсияи футболи Тоҷикистон ҳамкории дарозмуддатро тасдиқ намуданд
