Лигаи олӣ: пешсаф иваз шуд.

 Душанбе, 25 октябр. (АМИТ «Ховар», Аловиддин Бӯриев). – Федератсияи футболи мамлакат бо сабаби баргузории вохӯрии финалӣ барои ҷоми ҷумҳурӣ, ки рӯзи 26 октябр дар варзишгоҳи «Пахтакор»-и шаҳри Қурғонтеппа барпо мешавад, ба ҷадвали баргузории чемпионат байни дастаҳои лигаи олӣ  тағйирот ворид кард. Ҳамин тавр вохӯрии даври 35 –уми  «Вахш» — «Худжанд» — аз 26 ба 25 октябр, «Равшан» — «Худжанд»  аз 29 ба 28 октябр, бозии даври 18-уми  мавқуфгузошташудаи «Истиқлол» — «Хуҷанд»  ба 31 октябр ва бозии даври 37-и «Истиқлол» — «Хайр»  аз 2 ба 3 ноябр гузаронида шуд. Дар ин радиф рӯзи 23-октябр дастаи «Равшан» Кӯлоб бозии даври 43-уми пешакӣ худро барпо карда, «Гвардия»-ро бо натиҷаи 6 бар 1 шикаст дод ва бо 68-имтиёз аз 30 бозӣ дар садри ҷадвали мусобиқот қарор гирифт. «Регар ТадАЗ» аз «Равшан» як бозӣ кам гузаронида бо 67 имтиёз дар зинаи 2-юм аст. Дар вохӯрии даври 38-ум «Хайр» дар меҳмонӣ «Шодмон»-ро бо ҳисоби 5 бар 0 мағлуб кард.