Нақши калидии Тоҷикистон дар таъмини амнияти Осиёи Марказӣ
Душанбе, 12 октябр. (АМИТ «Ховар», Пайрав Назаров). — Сафири Фавқулодда ва Мухтори Ҷумҳурии Тоҷикистон дар Шоҳигарии Белгия Рустамҷон Солиев бо Вазири корҳои хориҷии Шоҳигарии Белгия Стивен Ванакере дар Брюссел мулоқот намуд. Зимни вохӯрӣ ҷонибҳо вазъ ва дурнамои муносибатҳои дуҷонибаро дар соҳаҳои сиёсӣ, иқтисодӣ, тиҷоратӣ, сармоягузорӣ, маориф, илм ва фарҳанг муҳокима карданд.Сипас Сафир дар бораи дастовардҳои кишвар дар солҳои истиқлолият, имконияти иқтисодиву гидроэнергетикӣ, фазои мусоиди сармоягузорӣ дар мамлакат, нақши калидии Тоҷикистон дар таъмини амнияти Осиёи Марказӣ, мубориза алайҳи терроризм, экстремизм, гардиши ғайриқонунии маводи мухаддир, саҳми кишвар дар бозсозии иқтисодию иҷтимоии Афғонистон маълумоти муфассал дод. Ҳамзамон, Р. Солиев ба мусоҳибаш роҷеъ ба рушди пайгиронаи муносиботи бисёрсамтаи миёни Ҷумҳурии Тоҷикистон ва Иттиҳоди Аврупо маълумот дод.Тавре ки ба АМИТ «Ховар» аз раёсати иттилоот, матбуот, таҳлил ва тарҳрезии сиёсати хориҷии ВКХ ҶТ иттилоъ доданд, Стивен Ванакере ҳолати кунунӣ ва дурнамои густариши робитаҳои мутақобилан судманди миёни Белгия ва Тоҷикистонро мусбат арзёбӣ намуда, омодагии мамлакаташро баҳри тавсеаи минбаъдаи муносибатҳои бисёрсамтаи дуҷониба изҳор дошт.
Имрӯз дар баъзе ноҳияҳои Тоҷикистон туман мефарояд
Паём — роҳнамои татбиқи идеяҳои низоми давлатдории миллӣ
Ба 10 зани ҳунарманд ва соҳибкори шаҳри Бӯстон гранти раиси шаҳр тақдим карда шуд
Имрӯз дар шаҳри Душанбе бориши борон ва барф дар назар аст
Оид ба рушди ҳунармандӣ ва истифода аз грантҳои президентӣ дар ноҳияи Рӯдакӣ машғулияти омӯзишӣ доир гардид
Доир ба нақши Китобхонаи миллии Тоҷикистон дар омӯзиши забонҳои чинӣ ва кореягӣ конфронс доир шуд
Дар вилояти Суғд ғолибони озмунҳо қадрдонӣ гардиданд
Дар шаҳри Ҳисор маъракаи азнавбақайдгирии нафақагирон идома дорад
Имрӯз дар Тоҷикистон зимистони астрономӣ фаро мерасад
Имрӯз дар баъзе ноҳияҳои Тоҷикистон бориши борон ва барф дар назар аст
