Нахустин парвози зойирини Тоҷикистон аз Душанбе ба Ҷидда

Душанбе, 11 октябр. (АМИТ «Ховар», Дилшодаи Хайрулло). – Имрӯз нахустин парвози зойирини Тоҷикистон аз шаҳри Душанбе ба самти Ҷидда шурӯъ шуд.Теъдоди зойирини имрӯзаро, ки иборат аз 188 нафар мебошанд, 4 роҳбалад, 2 табиб, 5 нафар аз гурӯҳи корӣ ва ду масъули майдони ҳавоӣ ҳамроҳӣ мекунанд. Дар майдони ҳавоии шаҳри Ҷидда зойирини тоҷикро шахсони масъул аз кишвари Арабистони Саудӣ пешвоз мегиранд.Бояд гуфт, ки соли дуюм аст зойирини тоҷик бо либосҳои махсус ва парчами миллӣ ба монанди шаҳрвандони Эрон ва Туркия ба хонаи Худо сафар мекунанд.Ҳамчунин дар Макка ва Мадина зойирини тоҷикро меҳмонхонаҳои барҳаво ва хизматрасониҳои хуб, ки дар масофаи на бештар аз 1 то 2 километр ҷойгиранд, интизоранд.Мавриди зикр аст, ки парвози навбатии зойирини тоҷик ба самти Ҷидда фардо, 12 октябр соати 23. 40 муайян шудааст.