Оғози Форуми башардӯстона дар Боку

Озарбойҷон, 10 октябр. (АМИТ «Ховар», Ҳалима Хушқадамова). — Имрӯз дар пойтахти Озарбойҷон- шаҳри Боку Форуми байналмилалии башардӯстонаи Боку «Асри XXI: Умедҳо ва талабҳо»  ба кори худ оғоз намуд. Ҳадафи форум ба шакли муайян даровардани рӯзномаи нави башардӯстона бо мақсади тафтиши дурнамои он дар миқёси байналмиллалӣ мебошад. Дар чаҳорчӯби  форум  баргузории ҷаласаи умумӣ ва мизҳои мудаввар дар мавзӯъҳои гуногун, аз қабили   «Бисёрфарҳангӣ: муваффақият  ва проблемаҳо», «Журналистикаи иҷтимоии технологияи олӣ», «Биотехнология ва масоили ахлоқ» ва ғайра дар назар аст.