Ҷоиза ба «Гӯрзод ва писари ӯ Аваз»

Душанбе, 28 декабр. (АМИТ «Ховар», Дилшодаи Хайруллоҳ).-28-уми декабр дар Вазорати фарҳанги Ҷумҳурии Тоҷикистон маросими супоридани ҷоизаҳо ба ғолибони озмуни байналмилалии сенарияҳо аз рӯи ривоятҳо, афсонаҳо ва эпосҳои қаҳрамонии халқҳои Осиёи Миёна ва Куриё баргузор гардид. Дар ин маросим вазири фарҳанги Ҷумҳурии Тоҷикистон Мирзошоҳрух Асрорӣ ва сафири Ҷумҳурии Куриёи Ҷанубӣ дар Ҷумҳурии Тоҷикистон Ён Ҷон Гу иштирок намуданд. Ғолибони озмун аз Ҷумҳурии Тоҷикистон Садрӣ Умар дар номгӯи «Матни пурра» бо намоишномаи «Гӯрзод» соҳиби ҷоизаи пулӣ ба маблағи 5 000 000 юан ва Равшан Раҳмонӣ дар номгӯи «Нақшаи сенариявӣ» бо сенарияи телесериали «Гӯрзод ва писари ӯ Аваз» соҳиби ҷоизаи пулӣ ба маблағи 1000000 юан гардиданд. Дар охир сӯҳбати вазири фарҳанги Ҷумҳурии Тоҷикистон Мирзошоҳрух Асрорӣ ва сафири Ҷумҳурии Кореяи Ҷанубӣ дар Ҷумҳурии Тоҷикистон Ён Ҷон Гу баргузор гардид. Онҳо аз ҳамкории фарҳангии байни ду кишвар изҳори қаноатмандӣ намуда ва ба таҳкими минбаъдаи ҳамкориҳо таъкид намуданд.